Ազգային ծեսեր

Վարդավառը Արևելյան դպրոցի ուսումնական ճամբարում

lilitvermishyanLeave a comment

Մասնակիցներ՝ Արևելյան դպրոցի ճամբարականներ

Պատասխանատուներ՝ Լիլիթ Վերմիշյան, Սաթենիկ Սիմոնյան, համակարգող՝ Մարինե Մկրտչյան

Ժամանակացույց՝ 13.07.2023, ժամը՝ 10.00

Վայրը՝ Արևելյան դպրոց

Ընթացքը՝

Մասնակիցները նախօրոք.

ծանոթանում են Վարդավառի ծեսին
սովորում և կատարում են Վարդավառի ծիսական, այլ ազգային երգեր
պատրաստում են ծիսական պարագա՝ խաչբուռ
խաղում են ավանդական, ազգային, բակային խաղեր
փնջում են խնձորներ

Տոնակատարության օրը՝

միասին պատրաստում են Խնդումը՝ վարդով, փնջած խնձորով, վարունգով
սկսում են ծիսական խմբի երթով՝ երգով, վարդաջրով իրար ցողելով
խնդումով՝ «տատիկի» ծիսական տեսարան
երգում ու պարում են ազգային պարերգեր
ավանդական, ազգային, բակային խաղեր
վարդավառյան ջրոցի

Արդյունքում սովորողը կիմանա

ազգային ծեսը,
հայկական ժողովրդական և ծիսական երգեր,
ծիսական պարագա
կկարողանա

իրականացնել կենդանի, բնական ազգային ծես
երգել հայկական ժողովրդական և ծիսական երգեր,
պատրաստել ծիսական պարագա,
խաղալ ավանդական, ազգային, բակային խաղեր
կլինի

ազգային ավանդույթները, դրանց բովանդակությունն ու խորհուրդն իմացող, դրանց արժեքները կրող, փոխանցող, տարածող ակտիվ մասնակից։

«Ծեսը`ուսումնական գործընթացի կազմակերպման արդյունավետ միջոց» նախագիծ

lilitvermishyanLeave a comment

Ծեսը՝ ուսումնական գործընթացի կարզմակերպման արդյունավետ միջոց

Նախագիծ

Ծեսը՝ ուսումնական գործընթացի կազմակերպման արդյունավետ միջոց

Նպատակ

  • ազգային մշակույթի յուրացում
  • երաժշտական ճաշակի զարգացում

Խնդիրներ

  • ուսումնասիրել ծիսական միջավայրը,
  • յուրացնել ազգային, ծիսական երաժշտական նյութը,
  • ուսումնական գործընթացը կազմակերպել դրսում՝ ջրի (լողավազանի, գետի, լճի) մոտ, այգում, դաշտում, սարերում, ճամփորդության ընթացքում և այլ բնական միջավայրում:

Արդյունք

Ուսումնական փաթեթներ՝ տեսագրությունների, ձայնագրությունների միջոցով:

Աշխատանքի կազմակերպման ձևը

Անհատական և խմբային:

Մասնակիցների կազմը

Նախակրթարանից մինչև Ավագ դպրոց, Քոլեջ:

Ընթացքը

Ուսուցանել երաժշտական նյութը՝ երգեր, պարեր, պարերգեր: Ծեսի   նախապատրաստական գործընթացին ինտեգրել մայրենի լեզվի, ձեռարվեստի դասավանդողներին՝ սովորողների հետ համապատասխան նյութեր յուրացնելու, ծիսական պարագաներ պատրաստելու համար: Եթե ծիսական պարագան պատրաստվում է ծեսի իրականացման ընթացքում, պատրաստել բնության գրկում՝ երգերի, պարերի, պարերգերի, հետաքրքիր պատմությունների, զրույցների  ուղեկցությամբ: Յուրացնելով ծեսը՝ չկրկնել նկարագրածով, ստեղծագործել, նոր կերպարներ, գործողություններ, պարագաներ ստեղծել: Գործողությունները և նոր պարագաները, կերպարները պետք է ստեղծեն մասնակիցները, պատճառաբանեն, հիմնավորեն, արդարացնեն փոփոխությունը, ինչից ելնելով է այն կատարվում, որքանով է բնական, հետաքրքիր, ժամանակակից: Կարելի է փորձել նորությունը, չվախենալ փոփոխությունից: Ստեղծականությունը պետք է լինի անընդհատ, ամբողջ ծեսի ընթացքում:

Արդյունքների ծավալը և ժամանակացույցը

Աշխատանքը անընդհատ է և շարունակական: Փուլ առ փուլ կներկայացվեն ստացված արդյունքները:

Ուսումնական, ծիսական փաթեթներ